உலகின் மிக உயரமான பாலம் -பெய்பஞ்சியாங் பாலம்: சீனாவில் திறக்கப்பட்டது

சீனாவின் இரு மலைப்பிரதேச மாகாணங்களை இணைக்கும் உலகின் மிக உயரமான பாலம் பெய்பஞ்சியாங் பாலம் (Beipanjiang Bridge) போக்குவரத்துக்காக  திறக்கப்பட்டது. இதனால் 4 மணிநேரம் எடுக்கும் பயணம் 1 மணி நேரமாக குறையும். நதியின் மீது கட்டப்பட்டுள்ள இந்த  பாலம் 565 மீட்டர்கள், அதாவது 1,854 அடி உயரத்தில் கட்டப்பட்டுள்ளது.

யுனான் (Yunnan) மாகாணத்தின் ஸுனாவேய் ( Xuanwei )  மற்றும் குயுஸூ (Guizhou) மாகாணத்தின் ஷுய்செங் (Shuicheng)  மலைப்பகுதிகளை இந்தப் பாலம் இணைக்கிறது. இந்த அதிசய பாலம் ஒரு பில்லியன் யுவான் (144 மில்லியன் அமெரிக்க டாலர்கள்) செலவில் கட்டப்பட்டுள்ளது. ஹுபேயில் (Hubei ) கட்டப்பட்ட ஸீ டு (Si Du ) நதியின் மீது கட்டப்பட்ட பாலத்தை விடவும் இது உயரமானது என்பதால் உலகின் மிக உயரமான பாலம் இதுவே.

Source The Hindu

எபோலாவுக்கு தடுப்பு மருந்து

2014ல் ஆப்பிரிக்காவில் 11000 பேரை கொன்று வேகமாக பரவிய, உலகையே அசச்சுறுத்திய எபோலா (ebola) கொள்ளை நோய் வராமல்  100 சதவிகிதம் தடுக்கக்கூடிய vaccine கண்டுபிடிக்கப்பட்டுள்ளது.

அந்த தடுப்பு மருந்தை போன வருடம் கினியாவில் 5837 பேருக்கு கொடுத்து பரிசோதித்த பொது அவர்கள் யாரையும் எபோலா நோய் தாக்கவில்லை.ஆனால் அந்த தடுப்பு மருந்து கொடுக்காத  அந்த ஊரின் 6004 பேரில் ,23 பேருக்கு எபோலா நோய் தொற்று ஏற்பட்டது.

இந்த தடுப்பு மருந்துக்கு மருத்துவ ஒழுங்குமுறை அதிகாரத்திலிருந்து (regulatory authority)   இன்னும் அங்கீகாரம் வழங்கப்படவில்லை. ஆனால் பெருமளவு எபோலா  நோய் தொற்று  பரவினால் உடனே கொடுக்க 300000 doses தடுப்பு மருந்து  கையிருப்பு உள்ளதாக தெரிவிக்கிறார்கள்.

Source World Health Organisation

செவ்வாய் கிரகத்தில் Igloo

கடந்த மாதத்தில் (November 2016)  ஆராய்ச்சியாளர்கள், செவ்வாய் கிரகத்தில் ஒரு பகுதியின்  அடியில் ஒரு பெரிய ஏரி அளவு தண்ணீர் உறைந்திருப்பதை கண்டறிந்தனர். செவ்வாய் கிரகத்தின் (MARS) விண்வெளியில் உள்ள கதிர்வீச்சில் இருந்து மக்களை காப்பாற்றுவதற்காக, செவ்வாய் கிரகத்தின் அடியில் இருந்து எடுக்கப்படும் ஐஸை (ice) வைத்து மேற்பரப்பில் Igloo House உருவாக்க உள்ளனர். இதனால் எதிர்காலத்தில் மக்கள்  விண்வெளியில் வாழ்வதற்கு பூமியில் இருந்து பொருட்களை எடுத்து செல்லாமல், செவ்வாய் கிரகத்தின் இயற்கை வளங்களைப் பயன்படுத்தி வீடுகளை அமைத்துக்கொள்ளலாம்.

வேலை, தூக்கம், பொழுதுபோக்கு, உணவு தயாரித்தல் மற்றும் கிரீன்ஹவுஸ் உட்பட பலவற்றிற்கும் இது உபயோகப்படும். ஒவ்வொரு வீடும் 4 பேர் தங்குவதற்கு ஏற்றதாக வடிவமைக்கப்பட்டுள்ளது. ஒவ்வொரு அறையும்  மனிதன் உயிர் வாழ தேவையான  காற்று அழுத்தம் (pressure) மற்றும் வெப்பநிலையை  கொண்டிருக்கும்.

செவ்வாயின் காற்று மண்டலத்தில் இருந்து பெறப்படும் கார்பன் டை ஆக்சைடை (CO2) உள்புறத்தில் செலுத்துவது (CO2 Insulation pockets), igloo பனியிலிருந்து காக்கும். இயற்கை ஒளி  பனிவீட்டுள் ஊடுருவுவதால் குடியிருப்புகள் இருளில் மூழ்காமல் பிரகாசமாக இருக்கும். மேல் பகுதியில் இருக்கும் தடிமனான பனிஅடுக்கு வெளியில் நிலவும் கடுமையான கதிர்வீச்சில் இருந்து பாதுகாப்பு அளிக்கும்.

Source Daily Mail

விண்வெளி வீரர்களுக்குப் புதிய சிற்றுண்டி

2018 ல் செவ்வாய் கிரகம் மற்றும் அதை தாண்டிய விண்வெளிப்பகுதியில் ஆராய்ச்சிக்காக புறப்படும் ஓரியன் (Orion)  விண்கலத்தில் பயணம் செய்யும் விண்வெளி வீரர்களுக்காக உணவு பார்களை NASAவில் உருவாக்க முயன்று வருகின்றனர்.

1998-ல் உருவாக்கப்பட்ட சர்வதேச விண்வெளி ஆராய்ச்சி நிலையத்தில் (The International Space Station) மாட்டிறைச்சித் துண்டங்கள், ஹாம்பர்கர்கள், பழங்கள், எஸ்பரசோ காபி உட்பட 200 உணவுப் பொருட்களை வைத்துக்கொள்ள இடமிருந்தது.

ஆனால் ஓரியன் போன்ற நவீன விண்கலங்கள் மிகவும் சிறியவை என்பதால் ஒரேயொரு உணவு அலமாரி யும் உணவு பண்டங்களைச் சூடாக்கும் ஒரு அவன்(oven)-ம் வைப்பதற்கு மட்டுமே இடம் இருக்கிறது.

சமச்சீரான ஊட்டச்சத்து கொண்ட பிரத்யேகமான முறையில் பாதுகாக்க வேண்டியிராத, அதிகம் பொதியப்பட (பேக்கேஜிங்) வேண்டியிராத உணவுகளுக்கான தொடர்ந்த ஆய்வின் விளைவு இது. இப்போது நாசாவால் உருவாக்கப் பட்டுள்ள புதிய காலை உணவு பார்கள் 700 முதல் 900 கலோரிகளும் சமச்சீரான ஊட்டச்சத்தும் கொண்டவை. இதில் ஆரஞ்ச் க்ரான்பெர்ரி, வாட்டியெடுத்த கடலை(barbecue nut) ஆகியவற்றின் சுவையையும் சேர்ப்பதற்குத் தற்போது விஞ்ஞானிகள் முயன்று வருகின்றனர்.

அமெரிக்காவின் விண்வெளி அமைப் பான ஹெச் இஆர்ஏ(HERA) வில் உள்ளவர்களுக்கு இந்த உணவு பார்கள் கொடுக்கப்பட்டு அவர்களிடம் அதன் தோற்றம், ருசி மற்றும் சலிக்காத தன்மை ஆகியவை பரிசோதிக்கப்பட்டு வருகிறது.

Source Hindu (tamil)

ரத்த தானத்தில் DNA கலப்பது இல்லை

நம் உடலின் ஒவ்வொரு அணுவிலும் DNA இருப்பதை அறிவோம்.ஆனால் ரத்த தானத்தின் பொது தானமளித்தவரின்  DNA  தானம் பெற்றவரின் DNA யோடு கலப்பது இல்லை.

ரத்தம் plasma,வெள்ளையணுக்கள்,சிவப்பணுக்கள்,மற்றும் தட்டணுக்களால் (platelets) ஆனது.அவற்றில் வெள்ளையணுவில் மட்டுமே உட்கரு (nucleus) மற்றும் DNA  இருக்கும்.சிவப்பணுக்களும் தட்டணுக்களும் (பிளேட்லெட்) எலும்பு மஜ்ஜையில் உற்பத்தியாகும்போதே உட்கருவை (nucleus and DNA) இழந்துவிடுகின்றன.

ரத்ததானத்தின் போது centrifuge மூலம் வெள்ளையணுக்கள் நீக்கப்பட்டு மற்றவை தான் செலுத்தப்படுகிறது. அதனால் DNA கலப்பதற்கு வாய்ப்பு இல்லை.

ரத்தம் பிரிக்கப்படாமலேயே செலுத்தினால் febrile என்ற வகை காய்ச்சல் ஏற்படும். ரத்தத் தானம் பெறுபவரின் ரத்த வெள்ளையணுக்கள் அயல் டி.என்.ஏ.வை அழிக்கும் செயல்பாட்டால் உருவாகும் காய்ச்சல்தான் இது.

Source Hindu

சூரிய சாலை ( Solar Road)

 

உலகின் முதல் சூரிய சாலை ( Solar Road) டிசம்பர் 2016ல் வட பிரான்ஸின் Normandy நகரின் ஒரு கிராமத்தில் ஒரு கிலோமீட்டர் தூரத்திற்கு  ஒரு  வழி பாதை பகுதிக்கு ( single  lane ) போடப்பட்டது.

5 மில்லியன் யூரோ செலவில்  2800 சதுர மீட்டருக்கு சூரிய தகடுகள் (Solar panel) சாலையில் பதிக்கப்பட்டது. கனரக வாகனங்களையும் (trucks) கடும் போக்குவரத்தையும் தாங்குமளவு வலிமையாக்க சிலிக்கான் தாளை கொண்ட resin சூரிய தகடுகள் மேல் பூசப்பட்டது. இதன் மூலம் அந்த கிராமத்தின் தெரு விளக்குகளுக்கு தேவையான மின்சாரம் கிடைக்கும். பிரெஞ்சு அரசாங்கம்  இன்னும் 5 ஆண்டுகளில் 1000 kms  சாலைகளை சூரிய சாலைகளாக மாற்ற இலக்கு வைத்திருக்கிறது.

Source Newsweek

அண்டார்டிக் கடல் வாழ் உயிரினங்களின் ஆராய்ச்சிக்கு உதவும் ரோபோக்கள்

அண்டார்டிக் ஆராய்ச்சியாளர்கள்  நீருக்கடியில் இயங்கும் ரோபோவை கொண்டு அண்டார்டிக் கடலுக்கடியில் உள்ள உயிரினங்களை படம் பிடித்தனர்.

ரோபோ பிடித்த படத்தில் வண்ணமயமான, செயல்திறமிக்க, விதவிதமான கடல்பஞ்சுகள், கடல்சிலந்திகள்,நட்சத்திர மீன்கள் இருந்தன.இவை யாவும் வருடத்திற்கு 10 மாதங்கள் -1.5 டிகிரி செல்சியஸ் நீரில்,கடலின் மேற்பரப்பு 1.5 மீட்டர் பனிக்கட்டியில் மூடப்பட்ட  நிலையில் உயிர் வாழ்பவை.இந்த கடலின் மேற்புறத்தில் இருக்கும் பனிக்கட்டியே  கடலுக்கடியில் வாழும் இந்த உயிரினங்களை அண்டார்டிகாவில் வீசும் பனிப்புயலிடமிருந்து காப்பாற்றி அவை தழைக்க உதவுகிறது.ஆனால் சில வேளைகளில் glacier என்னும் பனிப்பாறைகள் வந்து அந்த இடத்தையே/ உயிரினங்களையே   அழித்துவிடுவதும் உண்டு.

வாயுமண்டலத்துள் (atmosphere) செலுத்தப்படும் கரியமிலவாயுவின்(CO2) கால் பகுதி கடலினால் உறிஞ்சப்படுவதால் கடல் நீரின் அமிலத்தன்மை அதிகமாகிறது என்கிறார்  ஆராய்ச்சியாளர் Jonny Stark. குளிந்த நீர், கரியமிலவாயுவை வேகமாக உறிஞ்சுவதால் மற்ற பகுதிகளை விட Polar பகுதி இரண்டு மடங்கு அதிகமாக அமிலமாகிறது. இதனால் இந்த பகுதியில் வாழும் உயிரினங்களிடத்தில் என்னென்ன மாறுதல்கள் ஏற்படுகின்றன என்பது குறித்தும் ஆராய்ச்சிகள் நடந்துகொண்டிருக்கின்றன

Source The Hindu

தூங்கும்போது மூளை என்ன செய்கிறது?

மூளை செல்களை அதிகப்படியாகத் தூண்டுவது, நரம்புமண்டலத்தின் இயல்பான செயல்பாட்டையும், நரம்புத் திசுக்களையும் பாதிக்கும் நரம்புநச்சுகளை (Neurotoxicity) வெளியிடுவதற்குக் காரணமாக அமையலாம் என்கிறார்கள் மூளை பற்றி ஆராய்ந்த நிபுணர்கள். இது தொடர்ந்து நிகழ்வது ஆபத்தானது.

இதைத் தடுப்பதுதான் தூக்கம். மூளையில் சேர்ந்த நச்சை அகற்றும் செயல்பாட்டுக்கு வாய்ப்பளிக்கும் வகையில் தூங்குவது, நரம்பு தூண்டல்களைக் குறைக்கும் என்பது ஒரு கோட்பாடு. ஒரு வகையில் இந்தக்கோட்பாடு ஓய்வை வலியுறுத்துகிறது.

மற்றொரு பக்கம், உறக்கம் என்பது மூளையின் கற்றல் திறனையும் அதிகரிக்கிறது என்கிறார்கள் நிபுணர்கள். புதிதாகக் கற்றுக்கொள்ளும் திறனை நிலைப்படுத்தும் உடலியல் செயல்பாடு, மற்ற நேரங்களிலும் நடைபெறத்தான் செய்கிறது. ஆனால், இந்தச் செயல்பாட்டுக்குத் தூக்கம் முக்கிய உதவி புரிகிறது.

இது எப்படி நடக்கிறது என்றால், ஒரு செயல்திறனைப் புதிதாகக் கற்றுக்கொண்டோ அல்லது திரும்பச் செய்தோ பார்த்த பிறகு நல்லதொரு தூக்கத்தைப் பெறுவது மிகவும் முக்கியம். இப்படிச் செய்யும்போது புதிய நினைவுகளின் காரணமாக உருவான புதிய நரம்பு இணைப்புகளை நம்முடைய மூளை வலுவூட்டிக்கொள்கிறது. எனவே, நடு ராத்திரியில் விழித்து வாட்ஸ்அப், டிவி பார்க்கும் பழக்கத்தைக் குறைத்துக்கொண்டு ஒழுங்காகத் தூங்கினால்தான், புதிதாகக் கற்ற எதுவும் மனதில் தங்கும்.

Source Hindu