கோரல்களை காப்பாற்றும் வினிகர்

கோரல்களை உண்ணும், உடம்பு முழுவதும் முட்கள் கொண்ட நட்சத்திர மீனான கிரௌன் ஆப் தார்ன்ஸ் நட்சத்திர மீன் (crown-of-thorns starfish)  சமீபகாலமாக மாசுபாட்டினால் பல்கி பெருகி உள்ளது. இதனால், ஏற்கனவே கடல் நீர் வெப்ப அதிகரிப்பால் வண்ணமிழந்து (coral bleaching) அழிந்து கொண்டிருக்கும் கோரல்கள், முற்றிலும் வேகமாக அழியும் நிலைக்கு தள்ளப்படிருக்கின்றன. கடல் வெப்பத்தை கட்டுக்குள் வைப்பது மனிதனுக்கு பெரிய சவால் என்றாலும் குறைந்தபட்சம் கோரல்களை உண்ணும் கிரௌன் ஆப் தார்ன்ஸ் நட்சத்திர மீனிடமிருந்தாவது கோரல்களை காப்பாற்ற ஆராய்ச்சிகள் நடந்து வருகின்றன.

ஆஸ்திரேலியாவின் James Cook Universityயை சேர்ந்த ஆராய்ச்சியாளர்கள் சமையலுக்கு பயன்படுத்தப்படும் வெள்ளை வினிகரை நட்சத்திர மீனின் உள்ளே செலுத்தினார்கள். 48 மணி நேரத்தில் அவை இறந்து போயின. இதனால் அங்கிருக்கும் பிற உயிரினங்களுக்கு எந்த பாதிப்பும் ஏற்படவில்லை.

sd

ஆஸ்திரேலியாவின்  கிரேட்  பாரியர்  ரீஃபில் கோடிக்கணக்கான கிரௌன் ஆப் தார்ன்ஸ் நட்சத்திர மீன்கள் இருக்கின்றன. மேலும் ஒவ்வொரு பெண் மீனும் 6.5 கோடி முட்டைகள் இடும். அதனால் ஒவ்வொரு மீனையும்  வினிகர் செலுத்தி அழிப்பது மிக கடினமான பணி.

images

Vinegar rescues Great Barrier Reef

The Coral-munching crown-of-thorns starfish is naturally-occurring but has proliferated due to pollution and run-off at the World Heritage-listed ecosystem, which is also reeling from two consecutive years of mass coral bleaching. Until now other expensive chemicals such as bile salts have been used to try and eradicate the pest – which consumes coral faster than it can be regenerated – but they can harm other marine organisms.

Studies conducted by James Cook University revealed that crown-of-thorns injected with vinegar at four sites on the reef over six weeks, died within 48 hours with no impact on other life. Starfish are simple animals that can’t regulate their own internal pH levels. If they’re injected with white vinegar, which contains acetic acid, they die within 48 hours and begin to disintegrate.

“There are millions of starfish on the Great Barrier Reef and each female produces around 65 million eggs in a single breeding season. It would take a massive effort to try and cull them all individually, but we know that sustained efforts can save individual reefs.” Researchers said.

Vinegar has now been added to the GBRMPA’s list of approved control chemicals, meaning operators can apply for permits to start controlling the starfish.

Source Telegraph

அழிவை நோக்கி ஆஸ்திரேலியாவின் பவழப்பாறைகள்

cora

உலகின் மிகவும் அற்புதமான இயற்கை அதிசயங்களில் ஆஸ்திரேலியாவின் கிரேட் பாரியர் ரீஃபும் ( Great Barrier Reef) ஒன்று.  இது சுமார் 300000 சதுர கிலோமீட்டர் பரப்பளவில் 3000 க்கும் மேற்பட்ட பவளப்பாறைகளை உடையது. கடலுக்கு அடியில் பல வண்ணங்களில் கண்ணை கவரும் வண்ணம் காட்சியளிக்கும் பவளப்பாறைகள் பிரபல சுற்றுலா ஸ்தலமாகத் திகழ்கிறது.

ஐநா கல்வி, அறிவியல், பண்பாட்டு அமைப்பின் (UNESCO) உலக பாரம்பரிய சொத்து  (world heritage site ) பட்டியலில் கிரேட்  பாரியர்  ரீஃப்  இடம்பெற்றுள்ளது.

ஆனால் மே 2016ல் அங்கு ஆராய்ச்சிகள் மேற்கொண்ட  விஞ்ஞானிகள் 93  சதவிகித பவளப்பாறைகள் வண்ணமிழந்து  வெளுத்துப்போன  (coral bleaching) நிலையில் இருந்ததை கண்டனர்.  ஆறு மாதங்களுக்கு பிறகு சோதித்த போது அவற்றில் பெரும்பான்மையானவை  இறந்து போயிருந்தன. 25 மில்லியன் ஆண்டுகளாக உயிருடன் இருந்த பவளப்பாறைகள் இப்போது அழிவின் விளிம்பில் இருக்கின்றன.

corall

பவழத்தின் நிறம் அதன் திசுக்களில் வாழும் நுண்ணிய பாசிகளால் (microscopic algae) கிடைப்பது. நீரின் வெப்பம் உயர்வதால் பவழம் அழுத்தத்திற்கு (stress) உள்ளாகிறது. அப்போது அதன் திசுக்களிலிருந்து பாசியை வெளியேற்றுகிறது. அதனால் வெறும் திசுக்கள், வெள்ளை அல்லது கண்ணாடி நிறத்தில் காட்சியளிக்கிறது. இந்த நிலை தொடரும் போது அவை பலவீனம் அடைகின்றன. அதன் வளர்ச்சி மற்றும் இனப்பெருக்கம் தடைபடுகின்றன. வெப்பம் தொடர்ந்து அதிகமாக இருந்தால் நாளடைவில் அவை இறக்கின்றன அல்லது மீண்டும் பழைய நிலையை அடைய நீண்ட காலமாகிறது.

விரைவாக நடவடிக்கை எடுக்காவிட்டால், இவற்றை அழிவிலிருந்து காப்பாற்றுவது கடினம் என்கிறார்கள் ஆய்வாளர்கள்.

Source The Telegraph