சூறாவளி காற்றாலை (Typhoon Turbine)

ஜப்பானிய விஞ்ஞானியான அட்சுஷி ஷிமிசு, சூறாவளிக் காற்றாகிய டைபூன்(typhoon)ஐ  தாக்குபிடிக்க மட்டுமல்லாது, அதிலிருந்து மின்சாரத்தை அதிக அளவு உற்பத்தி பண்ணும் காற்றாலையை உருவாக்கி இருக்கிறார்.

ஒரு வலுவான சூறாவளியானது,  ஏறத்தாழ உலகின் மின்சார உற்பத்தியில் பாதியை உற்பத்தி செய்யும் திறன் உடையது என்று அட்லாண்டிக் கடலியல் மற்றும் வானிலை ஆராய்ச்சி ஆய்வகம்(Atlantic Oceanographic & Meteorological Laboratory) கூறுகிறது.

முட்டை அடிக்கும் கருவி வடிவில் காற்றாலையை உருவாக்கி இருக்கிறார் ஷிமிசு. ஒரு சூறாவளியின் சக்தியிலிருந்து ஜப்பானுக்கு 50 வருடங்களுக்கு தேவையான மின்சாரம் கிடைக்குமென்று ஷிமிசு கூறுகிறார்.

Challenergy-vertical-axis-Magnus-wind-power-generator-1-1580x549

Typhoon Turbine

Japanese engineer Atsushi Shimizu has invented the world’s first typhoon turbine. A robust, egg beater-shaped wind turbine, designed not only to withstand the incredible force of a tropical cyclone, but also to harness it.

A mature typhoon produces a level of kinetic energy “equivalent to about half the world-wide electrical generating capacity,” according to the Atlantic Oceanographic & Meteorological Laboratory.

The energy from one typhoon, says Shimizu, could power Japan for 50 years.

Source CNN

Advertisements

பூமியின் உள்மையப்பகுதியின் மூன்றாவது ஆதாரப் பொருள் கண்டுபிடிப்பு

பூமியின் உள்மையப்பகுதி 1,200km (745 மைல்கள்) ஆரம் கொண்ட ஒரு திட பந்து என்று கருதப்படுகிறது .பூமியின் உள்மையப்பகுதியில் இதுவரை “அறியப்படாத ஆதாரப் பொருள்” ஒன்றை அடையாளம் கண்டிருப்பதாக ஈஜி ஒக்டானி தலைமையிலான ஜப்பான் விஞ்ஞானிகள் தெரிவித்துள்ளனர்.

பூமியின் உள்மையப்பகுதி மிகவும் ஆழத்தில் இருப்பதால், நேரடியாக இதனை ஆய்வு செய்ய முடியாது. எனவே இந்தப் பகுதிக்குள் அதிர்வலைகளை உட்புகச் செய்து அதன் மூலம் அப்பகுதி எதனால் ஆனது என்பதைப் புரிந்து கொள்ள விஞ்ஞானிகள் முயல்கின்றனர்.

பெரும்பாலும் இரும்பால் உருவாக்கப்பட்டுள்ள பூமியின் உள்மையப்பகுதி, 85 சதவீதம் இரும்பாலும், சுமார் 10 சதவீதம் நிக்கலாலும் உருவாக்கப்பட்டுள்ளது.

core-1

எஞ்சியுள்ள அந்த 5 சதவீத பொருளை பற்றிய ஆய்வு மேற்கொள்ள ஈஜி ஒக்டானியும், அவருடைய அணியினரும் இரும்பு மற்றும் நிக்கல் கலவையை உருவாக்கி, அதனை சிலிக்கானோடு சேர்த்தனர்.

பூமியின் உள்மையப்பகுதியில் நிலவுகின்ற அதே உயர் தட்பவெப்ப நிலையையும், அழுத்தங்களையும் மாதிரியாக உருவாக்கி சோதனைகள் நடத்தியதன் மூலம் இந்த ஆதாரப் பொருள் சிலிக்கானாக இருக்கலாம் என்று முடிவு செய்தனர்.

பூமியின் உள்மையப்பகுதியில் இருக்கின்ற அதிர்வலை தரவுகளோடு இந்த கலவை பொருந்தியுள்ளது.ஆனாலும், சிலிக்கான் இருப்பதை உறுதி செய்ய இன்னும் அதிக ஆய்வுகள் நடத்த வேண்டியுள்ளது. பிற ஆதாரப் பொருட்கள் இருப்பதற்கான சாத்தியக்கூற்றையும் இது தவிர்க்கவில்லை என்று பேராசியரியர் ஒக்டானி கூறுகிறார்.

ஆனால், ஆக்ஸிஜனும் பூமியின் உள்மையப்பகுதியில் இருக்கும் முக்கிய ஆதாரப் பொருளாக இருக்கலாம் என்று பிற ஆய்வாளர்களால் நடத்தப்பட்ட சமீபத்திய ஆய்வுகள் சுட்டிக்காட்டியுள்ளன.

போரசிரியர் ஈஜி ஒக்டானியின் ஆய்வு முடிவுகள்படி, 4 பில்லியன் ஆண்டுகளுக்கு முன்னரே அதிக அளவிலான சிலிக்கான் பூமியின் உள்மையப்பகுதியில் உள்ளடக்கப்பட்டிருந்தால், பூமியின் பிற பகுதிகளில் ஓரளவு அதிகமான ஆக்ஸிஜனை நிரப்பியிருக்கலாம்.

ஆனால், அதற்கு மாறாக, பூமியின் மையப்பகுதியில் ஆக்ஸிஜன் உள்ளிழுக்கப்பட்டிருந்தால், மையப்பரப்பை சுற்றியுள்ள பாறையாலான மேண்டில் என்ற பகுதிக்கு, ஆக்ஸிஜன் குறைவாகவே கிடைத்திருக்கும்.

சான் பிரான்சிஸ்கோவில் நடைபெற்ற அமெரிக்க புவி இயற்பியல் ஒன்றியத்தின் கூட்டத்தில் இந்த ஆய்வை போரசிரியர் ஈஜி ஒக்டானி சமர்ப்பித்தார்.

Source BBC